Qırğızstan “TikTok”nı tıydı

Mädäniyät, informaśiya (информация), sport häm yäş’lär säyäsäte ministrlığınıñ matbuğat üzägennän yasalğan yazmaça belderüdä bik küp ictimağıy oyışmadan “TikTok” quşımtasınıñ balalarnıñ psixik üseşenä häm sälamätlegenä tiskäre yoğıntısınıñ (йогынтысының) buluı turında şiqayät’lärneñ kilüe äytelde.

“TikTok”nıñ qullanuçını qısqa kliplardan torğan virtual’ dönyağa alıp kitüe, qayber yäş’lärneñ bolarnı qarağannan soñ qurqınıçlıq tudıruçı bilgele ber videolarnı qabatlarğa tırışuı iskärtelep uzılğan belderüdä bäylelekkä säbäp bulğan mondıy êçtälekle yazmalarnıñ yäş’ buınnıñ toyğısal, êmośional’ (эмоциональ) xälenä tiskäre täêsir itüenä iğ’tibar yünältelde.

Ministrlıqnıñ, küp sandağı şiqayät’lärne iğ’tibarğa alıp häm ütkärelgän tikşerü näticälärenä nigezlänep, ildä “TikTok”nıñ tıyıluı qararınıñ qabul itelüe citkerelgän belderüdä qararnıñ ütälüe öçen Sanlı üseş ministrlığına möräcäğät itelüe äytelde.

İldä “TikTok”nı tıyu qararınıñ bernindi geopolitik maqsatqa iyä bulmawına basım yasalğan belderüdä “TikTok”nı tuqtatu qararınıñ tulısınça balalarnı äxlaqıy tärbiyäsenä tiskäre yoğıntı (йогынты) yasıy alaçaq häm psixologik sälamätlegenä zıyan kiterä alğan mäğ’lümatlärdän saqlaw öçen qabul itelüe iskärtelep uzıldı.