Rusiyädäge tacik totqınnarı Ukraina suğışına cibärelgän
Rusiyä törmälärennän yaqınça 100 tacik totqınınıñ Rusiyä-Ukraina suğışına cibärelüe belderelde
Tacikstan êçke êşlär ministrı Ramazon Rahimzadä Tacikstan başqalası Düşänbedä oyıştırğan matbuğat oçraşuında Rusiyädäge törmälärdän suğışqa cibärelgän tacik totqınnarı belän bäyle mäğ’lümat urtaqlaştı.
Rusiyä törmälärendä utırğan yaqınça 100 tacik totqınınıñ töbäkkä cibärelüen citkerüçe Rahimzadä Rusiyä räsmiläreneñ mäs’älä belän bäyle bularaq mäğ’lümat birmäwen (бирмәвeн), ike il arasında monıñ belän bäyläneşle mäğ’lümat urtaqlaşu kileşüeneñ bulmawın iskärtep uzdı.
Rahimzadä Rusiyädäge törmälärdän suğış töbägenä cibärelgän tacik totqınnarı turında mäğ’lümat birgän berençe Tacikstanlı räsmi zat buldı.
Tacik matbuğatı 2022nçe yılnıñ 24nçe fevralennän birle däwam (дәвам) itüçe Rusiyä-Ukraina suğışında häläq bulğan 20 tacik totqınınıñ isemnären açıqlağan ide.
