Törki däwlätlär hönärçe berlekläre tözelde

Qarabaxnıñ simvol şähäre Şuşada Törki däwlätlär äğ’zase illärneñ hönärçe berlekläre (profsoyuz) federaśiyäläre (федерацияләре)  cıyılışı ütkärelde.

Azärbaycan Êşçe (Эшче) hönärçe berlekläre konfederaśiyası (профсоюзлар конфедерациясе) Başlığı Sättar Möhbalıyıvnıñ qabul itüendäge çarada TÜRK-İŞ Türkiyä (Төркия) êşçe hönärçe berlekläre konfederaśiyäse (конфедерациясе) Başlığı Ärgün Atalay, Qazaqstan êşçe hönärçe berlekläre federaśiyäse (федерациясе) Başlığı Satıbaldı Daulätalin, Qırgızstan êşçe hönärçe berlekläre federaśiyäse (федерациясе) Başlığı urınbasarı Omor Arstanbäkov häm Üzbäkstan êşçe hönärçe berlekläre federaśiyäse (федерациясе) Başlığı urınbasarı Bahtiyar Mäxmätaliyıv qatnaştı.

Möhbalıyıv biredä yasağan çığışında Törki däwlätlär oyışması äğ’zase illärneñ hönärçe berlekläre federaśiyäläreneñ (профсоюз федерацияләренең) Şuşada cıyıluınıñ simvolik ähämiyätkä iyä buluın belderde, Şuşanıñ ber ük waqıtta 2023nçe yılnıñ Törki dönya mädäniyät başqalası buluın äytte.

Qardäş illärneñ böten oyışmalarınıñ bergä xäräkät itüeneñ zarurlığına basım yasawçı (ясaучы) Möhbalıyıv Törki däwlätlär oyışması äğ’zase illärneñ hönärçe federaśiyäläreneñ (профсоюз федерацияләренең) dä köçlärne berläşterüeneñ zarurlığın belderde.

TÜRK-İŞ Türkiyä (Төркия) êşçe hönärçe berlekläre konfederaśiyäse (конфедерациясе) Başlığı Atalay da qardäş illärneñ teläktäşlek êçendä buluınıñ häm krizisqa qarşı urtaq totışta toruınıñ möhimlegen iskärtep uzdı.

Atalay: "Ber ük ıruğtan, teldän, dinnän, urtaq mädäniyättän buluıbız bezneñ berdämlekneñ nigezen täşkil itä. Hönärçelär berlege däräcäsendä dä mönäsäbätlärebezne üsterü häm êşçe xoquqların saqlaw ölkäsendäge tırışularıbıznı berläşterü bezneñ töp burıçıbız”, - dip äytte.

Qazaqstan, Qırğızstan häm Üzbäkstan räsmiläre dä çığışlarında Törki däwlätlär berlege äğ’zase illär arasındağı mönäsäbätlärneñ tağın da üsterelüenä häm hönärçe berlekläre (profsoyuzlar) bularaq şuşı barışqa kerteläçäk öleşkä tuqtalıp uzdı.

Cıyılış axırında "Törki däwlätlär hönärçe berlekläre (profsoyuzlar) oyışmasınıñ tözelüe turında kileşügä qul quyıldı.