Törekmänstannan östämä yärdäm

Törekmänstannan Türkiyäneñ Aşxabadtağı ilçelege koordinaŝiyase belän 6 fevral’ könne barlıqqa kilgän cir teträwlärdän soñ zıyan kürüçelär öçen tağın 110 odeyal belän 89 matras cibärelde.

Türkiyäneñ Aşxabadtağı ilçese Togan Oral Tvitterda açıqlaw yasap: “İlçelegebez koordinaŝiyasendä Törekmänstannan zilzilä töbägenä östämä 1100 odeyal häm 89 matras cibärdek. Yärdäm kürsätkän watandaşlarıbızğa, Törekmänstandağı şirkätlärebezgä, Törekmänstan Qızılayına, Törek hawa yullarına räxmät belderäbez,” – dide.

Törekmänsanda ixtimağıy oyışmalar häm Türkiyäneñ Aşxabadtağı ilçelege tarafınnan urtaq räweştä oyıştırılğan yärdäm kampaniyaläre näticäsendä bügengä qadär cir teträwlärdä zıyan kürüçelär öçen 8071 odeyal, 390 matras, 20 generator, 60 cılıtqıç, 6 bädräf, 11,15 tonna kiyem-salım, 44,46 tonna mediŝina materialları häm 67 tonna azıq-tölek cibärelde.