Qazaqstan İlbaşı: “Törki däwlätlär oyışmasınıñ role arttı”

Toqayıv wazıyfağa bilgelängännän soñ berençe tapqır Qazaqstanda oçraşular ütkärgän Törki däwlätlär oyışması ğomum särkätibe Kubanıçbäk Ömüraliyıvne kiçä qabul itte.

İlbaşı sarayı Aqordada ütkärelgän söyläşü waqıtında Toqayıv, Ömüraliyıvne täbrik itep, wazıyfasında uñışlar teläde.

Toqayıv Qazaqstannıñ törki däwlätlär belän küp yaqlı xezmättäşlekne üsterü belän qızıqsınuın häm Törki däwlätlär oyışmasın tözüçelärennän berse bularaq sekretariat êşçänlegenä maksimal’ yärdäm kürsätäçäklären belderde.

Törki xalıqlarnıñ xezmättäşlegen häm berlegen köçäytü öçen tiñsez platforma bularaq oyışmanıñ roleneñ häm ähämiyäteneñ möhim külämdä artuın iskärtep uzuçı Toqayıv xäzerge waqıtta dönyada şaqtıy däwlät häm xalıqara oyışmanıñ Törki däwlätlär oyışması belän säwdä, iq’tisad, mädäniyät häm keşe bağlanışların kiñäytergä teläwenä iğ’tibarnı yünältte.

Toqayıv Törki däwlätlär oyışması sekretariatınıñ iñ möhim wazıyfasınıñ bıyıl üktäbr’ ayında Üzbäkstannıñ Sämärqand qalasındağı yuğarı däräcäle oçraşuda qabul itelgän prioritetlar belän iniśiativalarnı êffektiv räweştä qullanu buluın belderde.