Azärbaycan taraflarnı dialogqa çaqıra
Azärbaycan Tışqı êşlär ministrı Cäyhun Bäyrämov Rusiyä-Ukraina suğışında taraflarğa kiyerenkelek tağın da köçäygänçe dialog çaqıruın yasadı
Berläşkän Millätlär Oyışması Keşe xoquqları şurasınıň 49nçı utırışında çığış yasağan ministr Bäyrämov Rusiyä-Ukraina suğışına tuqtalıp uzdı.
Bäyrämov, utırışnıň xalıqara kiyerenkeleklärneň külägäsendä başlawına basım yasap: "Azärbaycan Ukrainada däwam itkän krizisnıň tınıç xalıqnıň ülüenä säbäp bulğanı öçen bik nıq borçıla”, - dip äytte.
Grajdannarnıň tormışınıň härwaqıt garantiya astında buluı zarurlığın iskärtep uzuçı Bäyrämov: "Xäzerge wazğıyätneň tınıç xalıqqa tiskäre yoğıntısın totqarlaw öçen bu humanitar krizisqa qarşı çaralar kürergä kiräk. Bu qısada Azärbaycan Ukraina xalqına mediśina cihazları häm başqa berençel mediśina yärdäme äyberläreneň täêmin itelüe öçen çaralar kürde”, - dip belderde.
Cäyhun Bäyrämov: "Şuşı kritik waqıtta Azärbaycan xäzerge kiyerenkelek tağın da artqançı soňarmıyça dialog çaqıruın qabatlıy häm taraflar arasında turıdan-turı söyläşülärneň ähämiyätenä iğ’tibarnı yünältä”, - dip äytte.
