Qazaqstanda ülem cӓzası beterelgӓn

Ul ildä yaqınça 20 yıl tormışqa aşırılmağan bulğan

1556248
Qazaqstanda ülem cӓzası beterelgӓn

 

Qazaqstanda yaqınça 20 yıl tormışqa aşırılmağan ülem cӓzası beterelgӓn.

İlbaşı idarӓse saytında urın alğan belderüdӓ Qazaqstan ilbaşı Kasım Cömӓrt Tokayevnıň ülem cӓzasın beterüne üz êçenӓ aluçı dokument bulğan grajdanlıq hӓm sӓyӓsi xoquqlar buyınça xalıqara kileşügӓ östӓp ikençe protokolğa qul quyuı citkerelӓ.

İldӓ moňarçı ülemgӓ xökem itelüçelӓrneň cӓzası ğomerlek törmӓ belӓn almaştırılaçaq.

2003 nçe yıldan alıp 17 yıl êçendӓ 18 million xalqı bulğan êlekkege Sovetlar Berlege ile Qazaqstanda berkem dӓ, şul isӓptӓn ülemgӓ kitergӓn terror ğamӓllӓrendӓ şiklӓnelüçelӓr dӓ , mondıy cӓzağa tartılmağan.

2016 nçı yılda ilneň iň zur şӓhӓre Almatıdağı qorallı höcümdӓ 8 poliśiya xezmӓtkӓre belӓn tınıç xalıqtan 2 keşene ütergӓn hӓm ülem cӓzasına xökem itelgӓn Ruslan Kulekbayevnıň da ğomerlek törmӓdӓ bulaçağı belderelӓ.

Xalıqara yarlıqaw oyışması mӓğ’lümatları buyınça 2019 nçı yılda dönya külӓmendӓ ülem cӓzası alğan keşe sanı - 26 meň 604.

2019 nçı yılda 20 ildӓ barlığı 657 keşeneň  ülem cӓzası tormışqa aşırıla  , bu cӓzanı iň küp qullanğan illӓr isӓ  Qıtay, İran, Soğud Ğarӓbstanı, Ğıyraq hӓm Misır bula.



Bäyläneşle xäbärlär