Qotqaru operaŝiyaläre däwam itä

Azärbaycan armiyase cirlären qotqaru öçen başlatqan operaŝiya däwam itä.

Azärbaycan saqlanu ministrlığınnan yasalğan açıqlawda kiçädän bügen irtänge sägät’lärgä qadär köçle bäreleşlärneñ däwam itüe belderelde.

Azärbaycan armiyaseneñ Ärmänstan armiyasenä bäyle möhim yünäleşlärdäge maqsatlarına ut açıp, xäräkäten bötenläy çikläwe, Ärmänstan köçläre arasındağı kontrol’neñ yuğaluı, berämleklär arasında ğawğanıñ çığuı häm ğaskärilärneñ kümäkläşep qaçuı citkerelde.

Açıqlawğa kürä kiçäge operaŝiyalärdä Ärmänstan qorallı köçläreneñ tupçı berlekläre citäkçese belän şaqtıy ğaskäri ülde.

Açıqlawda kiçädän bügen irtängä qadär Ärmänstan armiyaseneñ şaqtıy qoral häm kiräk-yaraq belän personal taşuçı çaranıñ yuqqa çığarıluı, ber tanknıñ isä qulğa töşerelüe belderelde.

Şul arada yawlawdan qotqarılğan Cebrail vilayäte awıllarında Azärbaycan bayrağı cilferdi.

Azärbaycan saqlanu ministrlığı urtaqlaşqan video yazmalarda Cebrail vilayäte awıllarında Ärmänstan armiyaseneñ maşinaların qaldırıp, qaçuı kürenä.