Qazaxstanda şartlawlar däwam itä
Ülüçelär sanı arttı
1224560
![Qazaxstanda şartlawlar däwam itä](http://cdn.trt.net.tr/images/xlarge/rectangle/3204/daef/072b/5d11c123b4472.jpg?time=1718826399)
Qazaxstannıñ Arıs şähärendä xärbi saqlağıçlarda şartlawlar däwam itä. Şuña kürä yanğınnı sünderü êşläre tuqtatılıp tora. Ğomere özelüçelär ike buldı, yaralılar 89ğa citte. Alarnıñ 18e balalar.
Arıs şähärendä yäşäwçelärne inde kiçä ük êvakuaśiyälädelär. Qazaxstan ilbaşı Kasım Cömärt Tokayev alarnıñ yanında bulıp xällären beleşte. Ul, şulay uq, xastaxanälärdäge yaralılarnı da zıyarät itte.
Qazaxstan armiyäseneñ qoral saqlağıçlarında kiçä cirle waqıt belän irtänge säğat’ 9da şartlawlar başlandı. Moña anda çıqqan yanğın säbäpçe bulğan. Xäzer anıñ säbäben tikşerälär, cinayät’ êşe açıldı.
Saqlanu ministrlığı saqlağıçlardağı qorallarnıñ yaqınça yartısınıñ yuqqa çığuın belderde.