Qazaqstanda ilbaşı saylawı

Qazaqstanda xalıq yaña dӓwlӓt başlığın saylar öçen irtӓgӓ ӓrcӓ başına baraçaq.

İldӓ 11 million 947 meñ terkӓlgӓn saylawçı bar, xalıq irtӓgӓ irtӓnge 7 belӓn kiçke 8 arasında 9 meñ 970 saylaw uçastoğında tawış birӓ alaçaq.

Çit illӓrdӓge Qazaqstan watandaşları isӓ 51 ildӓ qorılğan 64 ӓrcӓdӓ dӓwlӓt başlığın saylıy alaçaq.

Saylawdan soñ ber atna êçendӓ saylaw nӓticӓlӓreneñ rӓsmi rӓweştӓ açıqlanuı kötelӓ.

Saylawda Qazaqstannıñ qoruçı dӓwlӓt başlığı Nursoltan Nazarbayevnıñ mart ayında wazifadan kitüennӓn soñ waqıtlıça ilbaşı wazifasın başqaruçı Kasım Cömert Tokayev ta aralarında bulğan 7 namzӓt köç sınaşaçaq.

İl qanunnarına kürӓ dӓwlӓt başlığı kandidatlarınıñ qazaq telen belüe, 40 yӓş’tӓn ölkӓn buluı, ildӓ 15 yıl yӓşӓwe hӓm dӓwlӓt oyışmalarında kim digӓndӓ 5 yıl êşlӓwe şart bar.