Azärbaycan watandaşlarınıñ suğışqa cibäreläçägen uylıy

Azärbaycan 3 watandaşınıñ Çeçnyada saq astına alınuı belän bäyle ptotest notasın Rusiyä tışqı êşlär ministrlığına yulladı. Anda älege keşelärneñ mäcbüri räweştä Ukrainadağı suğışqa cibärelä aluına borçılu belderelä. Azärbaycan yağı Rusiyä tışqı êşlär ministrlığın wäzğıyät’ne qarap çığarğa häm watandaşlarınıñ xoquqların saqlaw öçen çara kürergä çaqıra.

Matbuğattağı xäbärlärgä qarağanda, Rusiyä 2022nçe yılnıñ fevralennän birle möhacirlärne aktiv räweştä Ukrainadağı suğışqa cibärä. Aralarında barı Urta Aziyädän kilüçelär genä tügel, Hindstan, Kuba häm Şri-Lanka şikelle illärneñ watandaşları da bar. Migrantlarğa, armiyägä baru kileşüen imzalağan oçraqta, tiz arada watandaşlıq birergä ışandıralar. Bolay da Rusiyä pasportları bulğannarnı isä watandaşlıqtan çığaru belän yanap mobilizaśiyälilär.  

Rusiyä tikşerü komitetı citäkçese Aleksandr Bastrıkin iyün’ axırında yasağan belderüendä watandaşlıq alğan 10 meñ migrantnıñ suğışqa cibärelüen äytkän ide.