Atambaev: “Qırğızstan raketa höcüme yanawın aldı”

Qırğızstan İlbaşı Almazbäk Atambayev (Atambaev) Bişkäktäge Manas xalıqara hawa mäydanına Amerika Quşma Ştatları xärbi bazasınıñ urnaşuı arqasında raketa höcüme yanawın aluların beldergän.

Issıq küle buyındağı Çolpon Ata şähärendä jurnalistlar belän oçraşqan Atambayev 2011nçe yılda Manas xalıqara hawa mäydanına urnaştırılğan häm 2014nçe yılda çığarılğan Amerika Quşma Ştatları xärbi bazası belän bäyle şaqqattırğıç açıqlawlar yasağan.

Atambayev: "Rusiyäneñ häm Qıtaynıñ tınıç häm kileşü yaqlı Qırğızstanğa ixtıyacı bar. Ämma qayber illär üzgä äyberlär artınnan yöri. Amerika Quşma Ştatları däwlät departamentınıñ demokratlar çorında alıp barğan säyäsätenä qarata hiç tä uñay toyğılarğa iyä tügel min. 2014nçe yılda qayber illär ägär kiräk bulsa Amerika Quşma Ştatları oçqıçların raketa belän bäräçäklären häm keşelärebezneñ zarar küräçägen açıq itep telgä aldı”, - dip äytkän.

Amerika Quşma Ştatların töbäk illäreneñ êçke êşlärenä tıqşınuda gäyepläwçe Atambayev Üzbäkstannıñ êlekke Däwlät başlığı İslam Kärimovnıñ su arqasında Urta Aziyädä suğış çığa alaçağı turındağı süzlären xäterlätep: "Bu açıqlawdan soñ şunda uq amerikalılar Üzbäkstanğa härberse 1 million dollardan 328 çılbırlı xärbi texnika sattı. Alarnıñ demokratiyanıñ bäyäse şuşı inde. Alar ike qardäş xalıq qırğızlarnı häm üzbäklärne ber-bersenä qarşı töşerergä tırıştı”, - dip assızıqlap äytep uzdı.