“Kipr konferenŝiyäse näticäle bulmadı”
Bu xaqta Törkiyä tışqı êşlär ministrı Mävlüt Çavuşoğlu belderde
Törkiyä tışqı êşlär ministrı Mävlüt Çavuşoğlu Kiprda kiň qırlı çişeleşkä ireşü maqsatı belän Şveŝariyäneň Krans-Montana qalasında 10 kön däwam itkän konferenŝiyäneň näticäle bulmawın belderde.
Kipr problemasına çişeleş tabu öçen 12 nçe ğinwarda Jenevada berençe utırış belän başlanğan Kipr konferenŝiyäseneň yaňa utırışı 6 nçı iyül’dä näticäsez tögällände.
Törkiyä tışqı êşlär ministrı 12 nçe ğinwarda Jenevada uzğan konferenŝiyädän başlap bügenge köngä qadär Kipr problemasına ğadel, kiň qırlı häm däwam itterelä ala torğan çişeleş tabu öçen Törkiyäneň zur tırışlıq kürsätüen citkerde.
Çavuşoğlu:” Kipr törek yağı wäkillege dä söyläşülärdä konstruktiv totış kürsätte, ämma näticägä ireşelmäde. Mondıy näticä BMO yaxşı niyät parametrları qısasında çişeleşneň mömkin bulmawın kürsätte. Monnan soň bu parametrlar östendä torunıň mäğ’näse yuq”,-dide.
