Azärbaycanda “Törkiyä antologiyäse” dönya kürde
Törek yazuçılarınıň xikäyälären üz êçenä aluçı älege kitapnı tärcemä üzäge bastırıp çığardı
Azärbaycan ministrlar şurasına bäyle tärcemä üzäge törek ädäbiyatçılarınıň xikäyälären üz êçenä aluçı “Törkiyä antologiyäse” isemle kitap bastırıp çığardı.
Baqıdağı Yunıs Ämrä institutında älege kitapnı tanıtu kiçäse ütkärelde.
Çarada Törkiyäneň Baqıdağı tulı wäqalätle ilçese Êrkan Özoral,Tön’yaq Kipr Törek Cömhüriyäteneň Baqıdağı tulı wäqalätle ilçese Ufuk Arca Turganär, ilçelek xezmätkärläre, uqıtuçı-ğalimnär, yazuçılar häm küp sanda çaqırılğan qunaq qatnaştı.
Tulı wäqalätle ilçe Özoral biredä yasağan çığışında Azärbaycan häm Törkiyäneň ber-bersen tağın da yaqınnan tanuı kiräklegen assızıqladı.
Tärcemä üzäge mödire Afak Mäsut bügenge köngä qadär törek yazuçıları xikäyäläreneň azärbaycan telenä tärcemä itelüen , fäqät’ antologiya bularaq täwge tapqır dönya kürüen citkerde.
Mäsut kiläçäktä “Törek şiğır’ antologiyäse” äzerläyäçäklären dä belderde.
Programma azağında 60 yazuçınıň xikäyäläre urın alğan “Törkiyä antologiyäse” kitabı qunaqlarğa taratıldı.
Bäyläneşle xäbärlär
Fidan Axıska törekläre berlege citäkçesen qabul itte
Bötendön’ya Axıska törekläre berlege citäkçese Ziyatdin Kassanov belän oçraşu başqala Änkarada uzdı
