"Astana söyläşülärgä äzer"

Qazaqstan däwlät başlığı Nursultan Nazarbayev Süriyädä tınıçlıq urnaştıru söyläşüläreneñ ütkärelüe öçen ileneñ başqalası Astananıñ äzer buluın äytkän.

Nazarbayev Rusiyä däwlät başlığı Vladimir Putin belän küreşep söyläşer öçen kitkän Sankt Peterburg şähärendä yasağan açıqlawında: “Qazaqstan başqalası Astana uzaçaq söyläşülärdä barlıq taraflarnı qabul itärgä äzer,” – digän.

Rusiyä ilbaşı uzğan atnada Rusiyä Federaśiyase, İran, Törkiyä häm Äsäd rejimınıñ Süriyä söyläşüläreneñ Qazaqstan başqalası Astanada ütkärelüe mäs’äläsendä kileşüen citkergän ide.

Rusiyä däwlät başlığı Putin Süriyä öçen ikençe adımnın bar ildä utnı tuqtatu buluın da açıqlağan ide.