Almazbäk Atambayev İstanbulda awırıp kitte

Qırğıstan dawlät başlığı Almazbäk Atambayev  Amerika Quşma Ştatlarınıñ New York şähärendäge Berläşkän Millätlär Oyışmasınıñ ğomum şura ciyılışında qatnaşu öçen İstanbulda oçqıçqa kergän çaqta awırıp kitte.

Atatörek aêroportında New Yorkka kitü öçen kötkändä kükräk  awırtuınnan şikäyätçe bulğan  Atambayevka berençe yärdäm kürsätkän tabiblär däwlät başlığınıñ aşığıç sälämätlek kontrolennän uzarğa kinäş ittelär.

Xastaxanägä salınğan Atambayev  täfsille tikşerüdän uzaçaq häm waqıtlıça tabibnıñ  küzätüendä bulaçaq.

“Akipress” xäbär agentlığı däwlät başlığı idaräseneñ matbuğat üzäge räsmi zatlarınıñ birgän mäğlümatkä nigezlänep belderüençä, Qırğıztan ilbaşı Atambayev waqıtlıça Törkiyädä qalaçaq.

New York säfären ğämäldän çığarğan Atambayevnıñ urınına Qırğızstan tışqı êşlär ministrı Êrlan Abduldayev BMO ğomum şurasınıñ  71nçe utırışında qatnaşaçaq Qırğız delegaśiyäseneñ citäkçese bulaçaq.

Atambayev 17nçe sentyabr könendä Bäysez Däwlätlär Berlegeneñ äğza illäreneñ liderları qatnaşuında 60nçı tuğan könen qotlağan ide.