“Tabiği baylıq: xezmättäşlek yäki kiyerenkelek”

Tönyaq Kipr Törek Cömhüriyäte İlbaşı Mustafa Akıncı belän Kipr grek töbäge liderı Nikos Anastasiadis Kiprda alıp barıluçı söyläşülär qısalarında buffer töbägendä oçraştı.

Oçraşuda Berläşkän Millätlär Oyışması ğomum särkätibeneñ Kipr maxsus wäkile Elizabeth Spehar, törek yağınıñ söyläşüçese Özdil Nami häm Kipr grek söyläşüçese Andreas Mavroyannis belän başqa räsmilär qatnaştı.

Tönyaq Kipr Törek Cömhüriyäte İlbaşı Akıncı matbuğatqa yasağan belderüendä, Kipr grek liderı Anastasiadis belän faydalı söyläşü ütkärülären belderep, federal’ wäqälätlär mäs’äläsendäge söyläşülärne tögälläw aldında toruların, monnan soñğı söyläşüdä bu mäs’äläne tämamlıy alaçaqların äytte.

Kipr grek citäkçelegeneñ “Urta diñgezdä çığaçaq tabiği çığanaqlarnıñ keremeneñ ber öleşeneñ çişeleşneñ finanslanıluı öçen qullanıla alınaçağın” räweşendä belderü yasawına işaräläwçe Akıncı Könçığış Urta diñgezdäge tabiği çığanaqlarnıñ barı tik Kipr öçen genä tügel, böten töbäk öçen citdi xezmättäşlek mäydanın yäki citdi kiyerenkeleklärne tudıra alaçağın äytte.

Akıncı,alda tığız söyläşülär barışı buluın belderep, Urta diñgezdä çığaçaq tabiği çığanaqtan kiläçäk keremneñ çişeleş finanslawı öçen qullanıluınıñ aqıl êşe buluın, çişeleşkä öleş kertäçägen assızıqladı.