Azärbaycan: “Qarşı höcümnär beryaqlı tuqtatıldı”

Azärbaycan saqlanu ministrlığı Ärmänstan belän front sızığında başlatqan qarşı höcümnärne xalıqara oyışmalarnıñ qatği çaqıruları uñayınnan beryaqlı bularaq tuqtatuların beldergän.

Ministrlıqnıñ räsmi internet säxifäsendä urnaştırılğan belderüdä bolay diyelä:

"Yaw astındağı cirlärebezdä başlatqan qarşı atakalarnıñ beryaqlı tuqtatıluı häm yawdan qotqarılğan töbäklärdä saqlanu sızığınıñ köçäytelüe qararına kilende. Ärmän qorallı köçläre toraq urınnarıbızğa häm pozitsiyälärebezgä yañadan ut açqan oçraqta ğäskärebez, iyä bulğan böten qorallarnıñ qullanıluına çikläw kiterelmiçä doşmannı tar-mar itep, yawlap alınğan cirlärebezneñ qotqarıluı häm cir bötenlegebezneñ tä'min itelüe maqsatınnan çığıp höcüm operatsiyaların däwam itteräçäk”.