Aliyev qaçaqlar krizisın tänqitlägän

Azärbaycan däwlät başlığı İlham Aliyev Awrupada barlıqqa kilgän qaçaqlar krizisın tänqitlägän.

Aliyev: “İlendäge bäreleşlär arqasında ğaiäsen saqlar öçen küçep kitkän keşelärneñ yulın yaba almassız,” – digän.

Däwlät başlığı Aliyev 4nçe Global' Baqı forumınıñ açılışında yasağan çığışında dönyadağı bäreleşlärneñ soñğı yıllarda tuqtamawın, kiresençä artuın, şunıñ öçen xökümätär, säyäsätçelär häm aqsaqallarnıñ kiyerenkeleklärneñ azaytıluı öçen qullarınnan kilgänne başqaruı zarurlığın assızıqlağan.

Yuğisä kiläçäktä wazğiyätneñ tağın da naçarayaçağın iskärtkän Aliyev xezmättäşlek, kileşü, tınıçlıq häm totrıqlılıqnıñ urnaştırıluı öçen härkemneñ yärdämläşü eçendä buluınıñ ähämiyätenä işarät itkän.

Ärmänstan-Azärbaycan bäreleşüe häm Tawlı Qarabax problemasına da tuqtalğan Aliyev mäs'äläneñ Ärmänstannıñ kileşmäwçän totışı arqasında haman da çişelä alınmawın beldergän.

Gruziya häm Törkiyä belän urtaq räweştä tözelep kilüçe Baqı-Tbilisi-kars timer yulınıñ Aziyadän Awrupağa iñ qısqa häm iñ uñaylı timer yulı liniyase bulacağın citkergän İlham Aliyev bu liniyaneñ ilneñ häm töbäkneñ geopolitik wazğiyäteneñ ähämiyäten arttıracağın beldergän.