İlham Aliyev İranda

Azärbaycan däwlät başlığı İlham Aliyev räsmi söyläşülärdä qatnaşır öçen İranğa kitkän.

Aliyev başqala Tähranda İran däwlät başlığı Xäsän Ruhani belän küreşep söyläşkän.

İlham Aliyev Sadabad sarayında İran ilbaşı Ruhani tarafınnan räsmi tantana belän qarşı alınğan.

İke xezmättäş söyläşüdän soñ matbuğat oçraşuı oyıştırğan.

Azärbaycan belän 11 kileşü imzalawların äytkän Ruhani ike il arasındağı säyäsi iqtisadi mäs'älälärne qabat küzdän kiçerülären citkergän.

Xäsän Ruhani: “Çik buyı transportirovka mäs'älälären qaradıq. Gaz, neft häm elektr kebek partnerlıklar häm Xäzär töbägendäge energetika mäs'älälären quzğattıq. Bank eşçänlege häm straxovka ölkälärenä tuqtaldıq," – digän.

Ruhani söyläşüdä İrannıñ töbägendäge illär belän mönäsäbätlären bäyäläwen dä beldergän.

Azärbaycab ilbaşı Aliyev da İran belän şaqtıy mäs'älädä urtaq fikergä kilülären häm mönäsäbätläreneñ nıqlıq buluın assızıqladı.

Törekçädän tatarçağa Alsu Miftax tärcemäse