Xäydär Aliyev fotoräsem kürgäzmäse

Azärbaycannıñ milli liderı Xäydär Aliyev ülemeneñ 11 yıllığı uñayınnan iskä alu çaraları qısalarında Anadolu agentlığı Azärbaycannıñ räsmi xäbär agentlığı AzärTac häm Yunıs Ämrä İnstitutı tarafınnan oyıştırılğan “Xäydär Aliyev fotoräsem kürgäzmäse” pänceşämbe könne Baqıda açılğan.

Kürgäzmäneñ açılışında Azärbaycan İlbaşı idaräse sotsial’ häm säyäsi mäs’älälär dairä başlığı Ali Xäsänov, Törkiyä teleradiokompaniyase TRT ğomüm mödire Şänol Göka, Anadolu agentlığı ğomüm mödir wäkile Äbubäker Şahin, AzärTac ğomüm mödire Aslan Aslanov, Yunus Ämrä İnstitutı başlıq urınbasarı Şaban Çobanoğlu, xalıq ışanıçlıları, media citäkçeläre häm küp sandağı qunaq qatnaşqan.

Ali Xäsänov: “Bügenge kürgäzmä öçen Anadolu agentlığı, Yunıs Ämrä İnstitutı häm AzärTacka räxmätemne belderäm,” – digän.

TRT ğomüm mödire Göka da Aliyevnıñ “Ber millät ike däwlät” süzlären xäterlätep, bu süzlärneñ Azärbaycan-Törkiyä mönäsäbätlären iñ yaxşı räweştä çağıldıruın beldergän.

Azärbaycan-Törkiyä mönäsäbätläreneñ Xäydär Aliyev qorğan nigez östendä bik köçle bağlar barlıqqa kiterep, tağın da üsterelüen äytkän Göka kürgäzmäne oyıştıruçılarğa räxmäten beldergän.

Anadolu agentlığınıñ ğomüm mödir wäkile Äbubäker Şahin isä Azärbaycanda üzen tuğan yağında kebek xis itüen häm üz milläte belän bergä buluın assızıqlağan.

Açılışta yasalğan çığışlardan soñ qatnaşuçılar Aliyevnıñ şäxsi tormışı, qatnaşqan cirle häm xalıqara cıyılışlar, dönya liderları belän ütkärgän söyläşülären çağıldıruçı fotoräsemnär urın alğan kürgäzmäne gizgän.