İran-Törekmänstan-Qazaqstan timer yulı açılğan

İran-Törekmanstan-Qazaqstan xalıqara poyezd liniyäse öç il däwlät başlığı qatnaşında tantanalı räweştä açılğan.

İrannıñ Änkaradağı tulı wäqalatle ilçelege beldergänçä , poyesd liniyäse Tänhranda İran ilbaşı Xasan Ruhani, Törekmänstan däwlat başlığı Gurbanguli Berdimuxamedov häm Qazaqstan ilbaşı Nursoltan Nazarbayev qatnaşındağı açılış tantanasında qullanılışqa tapşırılğan.

Älege timer yul belän Awrupadan Urta häm Könyaq Aziya belän Yaqın Könçığışqa yök taşuda tübän çığımlı häm tiz ireşü mömkinlege buldıru maqsat itep quyıla.

Yaña timer yul çeltäreneñ töbäk illäre arasında säwdäne üsterügä dä öleş kertäçäge belderelä.

Qazaqstan, İran häm Törekmänstan arasında 2007 nçe yılda imzalanğan kileşü belän tözelgän timer yul liniyäsendä här yıl 3-5 million tonna yök taşu küzdä totıla.

Timer yulnıñ 82 çaqrımı İran, 700 çaqrımı Törekmänstan ,120 çaqrımı Qazaqstan çik buyınnan uza.