Azärbaycanda Formula 1 dulqını
Formula 1 Azärbaycan Grand Prixnıñ yul yünäleşe bilgele buldı
Azärbaycan başqalası Baqıda 2016nçı yılda oyıştırılaçaq Formula 1 Azärbaycan Grand Prixnıñ yul yünäleşe bilgele buldı.
Formula 1 citäkçese Bernie Ecclestone häm Azärbaycannıñ Yäşlär häm sport ministrı Azad Räximov oyıştırılğan matbuğat oçraşuında Baqı uramnarında uzaçaq yarışnıñ yul yünäleşen tanıttı.
Başqalanıñ tanılğan Azatlıq mäydanında başlanaçaq yarışta Xäzär diñgeze yar buyındağı prospekttan uzaçaq transport çaraları tarixi İçerişähär tiräli äylänäçäk häm yänä Azatlıq mäydanındağı finişka yünäläçäk.
6 çaqrımnı uzaçaq avtomobillär säğatenä urtaça 208 çaqrım tizlek belän baraçaq.
Maşinalarnıñ tizlege tigez urınnarda 340 çaqrımğa citäçäk.
“İskitkeç yarış bulaçaq,” – digän ministr Räximov Baqınıñ soñğı yıllarda dönyanıñ häm Awrupanıñ sport başqalasına äylänüen belderde.
Baqıda qayber tarixi uramnarnıñ taştan buluın xäterlätkän Räximov monda yullarnı waqıtlıça qom häm beton belän qaplataçaqların, şähärneñ tarixi tuqımasına zıyan kitermäyäçäklären dä assızıqladı.
Formula 1 citäkçese Bernie Ecclestone isä Baqıdağı yarışnıñ problemasın bulaçağına häm tamaşaçılarnıñ yarış mizgellären onıtmayaçaqlarına süz birde.
Bäyläneşle xäbärlär
Fidan Axıska törekläre berlege citäkçesen qabul itte
Bötendön’ya Axıska törekläre berlege citäkçese Ziyatdin Kassanov belän oçraşu başqala Änkarada uzdı