Uyğır uqıtuçı-ğalime mäxkämädä

Qıtaydağı Şincan Uyğır üzidaräle töbägendä separatizmda ğayeplänüçe uqıtuçı-ğalim İlham Tohtineñ utırışı azağına yaqınlaştı.

45 yäşlek İlham Tohti 2 kön barğan mäxkämädä separatizm ğayeplären kire qaqtı.

Mäxkämä qararınıñ kiläse atnada açıqlanuı kötelä.

Tohti ğayeple itep tabılğan oçraqta 15 yıl yäisä ğomer buyı törmä cäzasına xökem itelä alınaçağı belderelde.

Amerika Quşma Ştatları, Awrupa Berlege häm şaqtıy Keşe xoquqların saqlaw oyışması 9 ay buyı saq astında qalğan uyğır uqıtuçı-ğalimne irekkä cibärergä çaqıra.

Tarixi Könçığış Törkistan cirläre 1949nçı yılda Qıtay xaqimiyäte astına kergännän soñ Şincan uyğır üzidaräle töbäge bularaq tanıla.