Törkiyä xärbi oçqıçları Azärbaycanda

Törek hawa köçlärenä bäyle xärbi oçqıçlar Azärbaycan hawa köçläre belän urtaq xärbi künegülärdä qatnaşu öçen Baqığa kitte.

Azärbaycan saqlanu ministrlığınnan yasalğan belderüdä İlbaşı İlham Aliyev raslağan plan nigezendä 13nçe sentyabrdä başlanğan xärbi künegülär qısalarında Törek hawa köçlärenä bäyle 30ğa yaqın oçqıç häm boralaqnıñ ilgä kilüe äytelde.

Comğa könne ütkäreläçäk xärbi künegülärdä här ike ildän Mig-29, F-16, Su-25 xärbi, C-130 Herkules yök oçqıçları, Mi-24, AH-1W Super Cobra, Mi-17, Skorski UH-60 xärbi boralaqlarınıñ qatnaşaçağı belderelde.

Xärbi künegülär waqıtında ike yaqlı xäräkät itü mömkinlekläre belän bergä bilgelängän maqsatlarğa oçqıç häm boralaqlardan atışlar yasalaçaq.

Azärbaycan saqlanu ministrı Zakir Hasanov citäkçelegendä ütkärelüçe häm 20nçe sentyäbrgä xätle däwam itäçäk xärbi künegülärdä 30 meñ ğäskäri, 250dän kübräk çılbırlı texnika, 150 raketa häm artilleriya, xärbi oçqıçlar häm boralaqlar qatnaşa.