Kiprda söyläşülär qabat başlıy

Tönyaq Kipr Törek Cömhüriyäte İlbaşı Därviş Äroğlu Kipr grek liderı Nikos Anastasiadis belan 17nçe sentyabrdä oçraşaçağın belderde.

Kiprda oçraşular ütkärüçe Berläşkän Millätlär Oyışması ğomum särkätibe Ban Ki Moonnıñ yaña Kipr maxsus kiñäşçese Espen Barth Eide Kipr grek liderı Anastasiadis belän küreşep söyläşkännän soñ Tönyaq Kipr Törek Cömhüriyäte İlbaşı Därviş Äroğlu yanına bardı.

Yaqınça ber säğät däwam itkän oçraşudan soñ çığış yasawçı Eide yaña wazıyfası öçen här ike yaqnı da tıñlaw häm öyränü öçen bu söyläşülärneñ möhim buluın äytte.

Söyläşülärneñ yaña etapqa citüen belderüçe Eide şuşı waqıtqa çaqlı ireşelgän alğarışlarnıñ isa yuq dip isäplänelä alınmayaçağına basım yasadı.

Tönyaq Kipr Törek Cömhüriyäte İlbaşı Därviş Äroğlu da Eide belän tanışu forsatın tabuların häm berençe oçraşu buluına qaramastan şaqtıy eçkersez şartlarda uzuın assızıqlap äytep uzdı.

Äroğlu yaña liderları sammitı öçen dä kileşülären belderde.

Äroğlu ayıruça Kipr grek liderı Nikos Anastasiadis belän 16nçı sentyabrdä aş mäclese waqıtında oçraşaçaqların äytte.