"Azärbaycanğa birelgän süzlär ütälergä tiyeş"

İkençe çit il säfären Azärbaycanğa yasawçı İlbaşı Ärdoğannı başqala Baqıda Däwlät başlığı İlham Aliyev räsmi tantana belän qarşı aldı.

Ärdoğannıñ säfäre uñayınnan İlbaşı binası aldında xärbi tantana oyıştırıldı.

Tantanadan soñ ike däwlät başlığı üzara küreşte. 

Törkiyä İlbaşı Ärdoğan belän Azärbaycan Däwlät başlığı Aliyev söyläşülärdän soñ urtaq matbuğat oçraşuın ütkärde.

Ärdoğan biredä yasağan çığışında: “"NATO sammitında da bigräk tä bu yuğarı däräcäle oçraşuğa qağılışlı bularaq uzdırılğan böten cıyılışlarda Azärbaycanğa birelgän süzlär bar. Bu süzlärne monnan arı anda da quzğatıp, başqa illärgä birelgän süzlär ütälgäne kebek Azärbaycanğa birelgän süzlärneñ dä ütälüen bäyläneşle illärdän sorayaçaqbız. Bu inde yärdäm soraw tügel, ber xaq-xoquqtır”, - dip äytte.

İlbaşı Ärdoğan Könyaq Qavqaz tabiği gaz yulınıñ nigezen salu tantanasınıñ Baqıda 20nçe sentyabrdä ütkäreläçägen belderde.

Ärdoğan soñınnan märxüm İlbaşı Xäydär Aliyevnıñ käbere belän Azärbaycan şähitläre ziratına bardı.

Räcäp Tayyip Ärdoğan Baqıda urnaşqan Törek şähitläre ziratında da buldı.

Şähitlärne ber minut tınlıq belän iskä alğan Törkiyä ilbaşı däräcäle däftärgä: “Bäysez Azärbaycan nigezlären köçäytkän çaqta qaharmanlıq dastanın yazdığız, möstäqiilegen üz qullarına alırğa telägan azärbaycan qärdäşlärebezgä yärdäm itüne burıç itep kürdegez”, - dip yazdı.

Ärdoğan Azärbaycandağı oçraşularınnan soñ NATO yuğarı däräcäle oçraşuında qatnaşu öçen Uels başqalası Kardiffqa kitte.