Uyğır ilendä basım säyäsäte
Qıtaynıñ möselmannarğa qarşı bäxäsläşelgän ğämälläre däwam itä.
Uyğır üzidaräle töbägeneñ Qaşğar qalasında 15 däwlät xezmätkäre dini ışanuğa iyä buludan terror eşçänlegenä iğtibarsız qaluğa qädär qayber gäyepläwlärdän xökemgä tartıldı.
Räsmi “Sinhua” xäbär agentlığı 15 däwlät xezmätkäreneñ däwlät eşennän çitläşterelüe belän ber rättän törle gäyepläw cäzalarına xökem itelüen belderde.
Xäbärdä wazıyfalılarnıñ etnik çığışları belderelmägän bulsa, isem-familiyaları kürsätelde.
Qıtayda däwlät xezmätkärläreneñ dini ışanuğa iyä buluı tıyılğan. Pekin citäkçelegeneñ Ramazan ayında möselmannarğa quyğan uraza, täravih häm kümäk iftar tıyularınnan soñ Uyğır üzidaräle töbägendä kiyerenkelek yuğarı däräcädä.
Qıtaynıñ şuşı tıyularına qarata xalıqara cämäğätçelektän dä reaktsiyälär yasaldı.
Qıtay tığız kontrol astındağı däwlät mäçetlärennän tış başqa urınnarda İslami belem birügä röxsät birmi.
Mädräsä bularaq belengän dini belem birgän mäktäplärgä baru da tıyılğan.
Uzğan atnada töbäk başqalası Öremçedä 27 urınnıñ qanunsız räweştä wäğäz öçen qullanıluı säbäbe belän yabıluı häm 44 qanunsız imamnıñ qulğa alınuı belderelgän ide.
Qulğa alınularnıñ mädräsägä kitüe belderelgän 82 balanıñ güyä şuşı mäktäplärdän qotqarıluı operatsiyäse qısalarında başqarıluı açıqlanğan ide.
Töbäktä citäkçelekneñ çiktän tış çaralarına tağın yañası östälde.
“Sinhua” agentlığı Pekinnıñ ozın yünäleşle avtobus säyäxätläre waqıtında tanıqlıq kürsätelüe häm tanıqlıq mäğlümatläreneñ biletlarğa yazıluı mäcbüriyäten kiterüen xäbär itte.
Bu çara sentyabr ayında ğämälgä keräçäk.
Yulçılarnıñ tanıqlıq mäğlümatläre internet aşa politsiya üzäkläre belän dä urtaqlaşılaçaq.
Qaramay şähärendä başyawlıqlı, paräncäle yäki saqallı keşelärneñ avtobuslarğa utıruınıñ tıyıluı möselmannarğa ayırımlılıq bularaq zur reaktsiya cıyğan ide.
