Qırım tatarlarınıñ qararı bozılırğa tırışıla
Qırımnıñ kontrolen Ukrainadan alğan urıslar Qırım Tatar Milli Mäcleseneñ saylawda qatnaşmaw qararın bozırğa tırışa.
Aqmäçet şähär xakimiyäte şurasınıñ 89nçı cıyılışında Qırım Tatar Milli Mäclese äğzäse Täyfuk Gafarovnıñ Aqmäçet şähär xakimiyäte başlığı urınbasarı wazıyfasına bilgelänü qararı qabul itelde.
Qırım Tatar Milli Mäcleseneñ qarşı qararına tiskäre bularaq şähär xakimiyätendäge wazıyfanı başqarırğa teläwçe Täyfuk Gafarov Mäcles äğzase bularaq qalırğa teläwen dä belderde.
Qırım Tatar Milli Mäclese başlığı Räfat Çubarov Täyfuk Gafarovnı wazıyfasınnan waz kiçterergä tırışsa da uñışlı bula almadı.
Qırım Tatar Milli Mäclese 14nçe sentyabrdä Rusiyä citäkçelege uzdıraçaq Qırım Parlamentı häm cirle xakimiyät saylawların boykot itäçägen beldergän ide.
Gafarovnıñ Aqmäçet şähär xakimiyäte başlığı urınbasarı wazıyfasına bilgelänelüe qararı – Qırım Tatar Milli Mäcleseneñ saylawda qatnaşmaw iradäsen ikençe tapqır bozu kereşüe bularaq kürenä.
