TİKA Azärbaycanda möhim proyektlar çınğa aşıra

Törek xezmättäşlek häm koordinatsiya agentlığı TİKA Azärbaycanda möhim proyektlar çınğa aşırırğa däwam itterä.

İxtıyacı bulğan 100 tiräse ğailägä meň umarta büläk itkän TİKA Cir yözendäge tabiblar cämğiyäte belän bergä Azärbaycan balaların qarap çıqtı.

Törek xezmättäşlek häm koordinatsiya agentlığı TİKA Azärbaycandağı Umartaçılıq proyektın däwam itterä.

Proyektka Azärbaycandağı umartaçılıq berlege dä yärdäm kürsätä.

Bu qısada Şemkir häm Gencedä 100 tiräse ğailägä kiräk-yaraqları belän bergä meň umarta birelde.

3 yıl baruçı proyekt qısalarında 3 meň tiräse umarta ixtıyacı bulğan Azärbaycan xalqına taratıldı.

TİKA Azärbaycanda çınğa aşırğan ikençe proyektnıň iseme – “Yılmayuçı balalar”.

Cir yözendäge tabiblar cämğiyäte belän bergä çınğa aşuçı proyekt qısalarında Törkiyädän kilgän plastik xirurgiya belgeçläre dus häm qardäş ildäge balalarnı tikşerep çıqtı.

5 kön baraçaq proyektnıň ikençe maqsatı isä – cirle tabiblar belän mäğlümat häm täcribä belän urtaqlaşu.