Ğiraq törekmännäre sörän sala

Ğiraqta Saddam Xösäyen çorınnan birle tuğan cirlärennän mäxrüm itelgän törekmännär ber ük qayğı-mixnätne qabat yäşärgä telämi.

“Ğiraq-Dimäşq İslam däwläte” oyışmasınıñ yanawı arqasında Tälafär, Tuzhurmatu häm Musuldağı öylären taşlap kitärgä mäcbür bulğan unmeñnärçä törekmän oxşaş faciğäne Kärküktä yäşi aludan borçıla.

Musulnı basıp alğan “Ğiraq-Dimäşq İslam däwläte” oyışması suğışçılarınıñ yünäleşlaren Kärkükkä boruı belän Ğiraq ğäskäre şähärdän qaçıp kitkän häm päşmärgä körd qorallı törkemnäre şähär iminlegen üz östenä alğan ide.

“Ğiraq-Dimäşq İslam däwläte” häm Ğiraq ğäskäre arasında qalğan törekmän xalqı öçen päşmärgä baştaraq üzenä kürä ber ışanıç ide.

Fäqät soñğı waqıtlarda Ğiraqnıñ tönyağındağı regional körd citäkçelegeneñ yözlärçä yıllıq törekmän qalası Kärküktän çıqmayaçaqların belderüe törekmännär arasında yaña ber xozursızlıq, tınıçsızlıq tudırdı.

Ğiraq törekmän frontı başlığı Ärşad Salihi töbäkkä kitkän TRT törkemenä bu mäs’älädä äñgämä birde.

Salihi päşmärgäneñ Kärkükkä kilüeneñ iminlek öçen tabiği buluın, läkin säyäsi maqsatqa yünälüennän borçıluların äytte.

Kärkük kebek sizger cir öçen kisken xökemle süzlär äytelüennän tınıçsız buluların belderüçe Salihi Kärkükneñ Ğiraq eçendä xäl itelmägän mäs’älä buluına işarä itte.

Salihi Kärkükneñ kileşü belän, urtaq idarä belän üzidaräle töbäk belän xäl itelüe zarur mäs’älä buluın assızıqlap äytep uzdı.

Törekmännär ber ük waqıtta citdi humanitar krizisqa da duçar buldı.

Tälaferneñ “Ğiraq-Dimäşq İslam däwläte” oyışmasınıñ kontrolenä kerüe belän bu töbäktän qaçqan törekmännär ilneñ tönyaq öleşe belän bergä törle töbäklärgä taralğan wazğiyättä.

Kemder lager alannarında, kemder çatırlarda yäşäw köräşen alıp bara.

Salihi Tälafärdä wazğiyätneñ bik xätär buluın häm könnär uzğan sayın awırlıqlarnıñ zurayuın assızıqladı.

Törekmännär böten şuşı regional häm humanitar krizislarğa östämä bularaq säyäsi krizis belän dä şöğillänergä mäcbür.

Ğiraq törekmän frontı başlığı Salihi tözeläçäk yaña xökümättä törekmännärneñ wäkillek itelüenä qağılışlı ömetsezlek yäşi alaçaqların kisätte.