"Birjan häm Sara" Törkiyä säfärendä
"Birjan häm Sara" operası Törkiyäneñ İskeşähär qalasında säxnägä quyıldı
İskeşähär 2013 törki dönya mädäniyät başqalası qısalarında Qazaqstan operasınıñ iñ möhim äsärlärennän berse bulğan "Birjan häm Sara" İskeşähärdä täqdir itelde.
Atatörek isemendäge Kongress häm mädäniyät üzägendä Kajım Jumaliyev librettosında törki däwlät sänğätçeläreneñ qatnaşuında Samsun däwlät opera häm balet teatrı sänğätçeläre, xorı häm orkestrı säxnägä quyğan äsärneñ dirijyorı Tolga Taviş buldı.
Operada Azärbaycan, Qazaqstan, Qırğızstan, Üzbäkstan, Rusiyä Federatsiyäsenä bäyle Tatarstan häm Başqortstan Cömhüriyätläre belän Törkiyädän sänğätçelär qatnaştı.
Mäşhür qazaq kompozitorı Mukan Tölebayevnıñ "Birjan häm Sara" operası İskeşähärdän soñ 16nçı iyündä "53nçe Xalıqara Bursa festivale” qısalarında täqdim itelgän bulsa, 20nçe iyün comğa könne Törkiyä başqalası Ankarada säxnägä quyılaçaq.
