Törek matbuğatına küzätü 4.10.2023

“Sabah” gazetı ilbaşı Ärdoğannıñ süzläre belän “Bez monnan arı konkret adımnar kötäbez” dip yaza. Törkiyä ilbaşı Räcäp Tayyip Ärdoğan Änkaradağı bombalı höcüm omtılışınnan soñ terrorçılıqqa qarşı köräşkä tuqtalıp bolay dide: “Ägär bu cinayät’çelär täêsirsez xälgä kiterelmägän bulsa häm niçek tä bulsa çit ilgä qaçqan bulsalar, alar säyäsi qaçaqlar bulıp saqlanırlar ide. Bez qayğıbıznı urtaqlaşqan duslarıbızdan ğayepläw yullamaları belän bergä tağın da konkret adımnar kötäbez. Süzlärneñ yaralarıbıznı däwalamawın belsennär ide”.

“Xäbär Türk” gazetı Törkiyä saqlanu ministrı Yaşar Gülärneñ “Çiklärebezdä buldırırğa telängän terror koridorı cimerelde” digän süzlären uquçıları belän urtaqlaşa. Ministr Gülär “Terrorçı oyışma il êçendä betä yazğanda Törkiyägä qarata çik ar’yağınnan höcümnär dä yuqqa çığarıldı, bezneñ çiklärdä buldırırğa telängän terror koridorı cimerelde” dide.

“Star”gazetı “Törkiyä strategik poziśiyädä bulğan gigant proyekt räsmi räweştä başlandı” dip xäbär itä. Ğıyraq prem’yer-ministrı Möxämmäd Şiya äs-Sudani Farsı qultığınnan Törkiyägä qadär suzılaçaq Üseş yulı proyektınıñ başlanğanın äytte.

“Yäni Şafak” gazetı “Qarabaxnı minadan arındıru OZAN belän başqarıla” dip citkerä. Törkiyä saqlanu sänäğate qaramağında êşlängän “OZAN” mina detektorları Azärbaycan tarafınnan Qarabaxtağı azat itelgän cirlärne minalardan çistartuda qullanıla.

“Xörriyät” gazetı “Adel’ törek dizaynerın sayladı” isemle xäbärendä citkergänçä, böten dön’yağa tanılğan Böyekbritaniya cırçısı Adel’ Las Vegastağı konśertında Törkiyä dizaynerı Rufat İsmail äzerlägän qara külmäk belän säxnägä çıqtı.