Törek matbuğatına küzätü 13.06.2024

13 nçe iyün’ könne basılıp çıqqan qayber törek gazetlarına küzatü

2152492
Törek matbuğatına küzätü 13.06.2024

 

 

“Vatan” gazetı “Ärdoğan İspaniya patşası belän oçraştı” dip yaza. Törkiyä ilbaşı Räcäp Tayyip Ärdoğan Törkiyä-İspaniya 8nçe xökümätlärara sammit qısalarında İspaniyädä Patşa Filipp 6 nçı belän oçraştı. Oçraşuda Törkiyä häm İspaniya mönäsäbätläre, İzrailneñ Ğazzädäge ütereşläre, regional’ häm global’ täräqqiyät’lär qaraldı.

“Star” gazetı ilbaşı Ärdoğannıñ süzläre belän “İzrailgä basım köçäytelergä tiyeş” dip xäbär itä. İspaniya patşası Filipp 6 nçı belän oçraşıp söyläşkän Törkiyä ilbaşı Ärdoğan İzrail citäkçelegeneñ Fälästin cirlärendäge genośid säyäsäteneñ tiz arada tuqtatılırğa tiyeşlegen belderde. Törkiyä ilbaşı xalıqara cämäğat’çelekneñ İzrailgä qarata basımnı arttıruınıñ töbäktä daimi tınıçlıqqa öleş kertäçägen citkerde.

“Yeni Şafak” gazetı “AQŞtan Törkiyägä aradaşçı täq’dime” isemle yazmasında citkergänçä, Amerika Quşma Ştatlarınıñ Änkaradağı tulı wäqalätle ilçese Djeff  Fleyk üz ileneñ İzrail belän utnı tuqtatu söyläşülärendä Törkiyäneñ aradaşçı buluın teläwen assızıqladı. AQŞ ilçese ilneñ Törkiyä tarafınnan Fälästin qarşılıq kürsätü xäräkäte ”Xamas” citäkçelegenä qayber yullamalar citkerüen teläwen äytte.

“Haber Türk” basması “Törek hawa yulları”nıñ  Denver şäharenä oçışları başlandı” isemle yazmasında beldergänçä, “Törek hawa yulları” aviakompaniyäse AQŞtağı reyslarına Denver şähären östäde. Denverğa atnasına 3 oçqıç säfäre başqarıla, 9 iyul’dän reyslar sanı 4 bulaçaq.

“Sabah” gazetı “Törkiyä G-20 dä berençe urında” dip citkerä. Ağımdağı yılnıñ berençe kvartalında G-20 illäreneñ iq’tisadi üseşe urtaça 0,9% bulğan bulsa, Törkiyä bu çorda 2,4% belän G-20 illäre arasında iñ yuğarı iq’tisadi üseşkä ireşkän il buldı.



Bäyläneşle xäbärlär