Törek matbuğatına küzätü 3.10.2023

“Xäbärtürk” gazetı Ärdoğannıñ kapital bazarı turındağı belderüen citkerä.

Törkiyä ilbaşı Räcäp Tayyip Ärdoğan 7nçe tapqır uzuçı  Kapital bazarı kongressına cibärgän yullamasında: “Soñğı 21 yılda tulayım 255 milliard dollar xalıqara investiśiyä cälep itkän däwlät bularaq kiläse çorda kapital bazarlarıbıznıñ tağın da kiñäyünä häm tiränäyüenä ähämiyät biräçäkbez,”-dide.

“Sabah” gazetı Awrupa Berlegeneñ Törkiyä turındağı belderüe xaqında yaza

Awrupa Berlege Törkiyä belän xezmättäşlek häm üzara faydağa nigezlängän mönäsäbätlärne däwam itärgä teläwen belderde.

“Yänişafak” gazetı “Ğıyraq-Törkiyä neft’ütkärgeçe bu atna êşli başlayaçaq” dip xäbär itä.

Törkiyä ênergetika häm tabiğıy çığanaqlar ministrı Alparslan Bayraktar neft’ütkärgeçeneñ operaśiyälär öçen äzer xälgä kilüen häm bu atnada qullanılışqa tapşırılaçağın belderde.

“Star” gazetı Törkiyä belän Katarnıñ xezmättäşlege üsüe xaqında citkerä.

Törkiyä belän Katar arasında säwdä xezmättäşlege arta. Säwdä ministrı Ömär Bolat 220 Katar şirkäteneñ Törkiyädä ähämiyätle proyektlar başlawın belderde. “Katarnıñ Törkiyädäge investiśiyäläre 20 milliard dollardan arttı,”-dide ul.

“Xörriyät” gazetında "Togg" maşinaları belän bäyle xäbär çıqtı.

Törkiyäneñ êlektrlı häm milli avtomobile "Togg"nı satıp aluçılarğa sentyabr’ ayında 2 meñ 204 "T10X" tapşırıldı. May ayınnan birle xucalarına barıp ireşkän maşina sanı 5 meñ 604 buldı.