Törek matbuğatına küzätü 02.10.2023

“Yäni Şafak” gazetı “Terrorçılıqnıñ soñğı tıpırçınuları” isemle yazmasında citkergänçä, Törkiyä ilbaşı Räcäp Tayyip Ärdoğan Änkaradağı xain terror höcüme turında “Watandaşlarnıñ tınıçlığına häm qurqınıçsızlığına yanawçı adäm aqtıqları maqsatlarına ireşä almadı, berqayçan da ireşmäyäçäklär. İke cinayät’çe täêsirsez xälgä kiterelgän ğamäl - terrorçılıqnıñ soñğı tıpırçınuları” dide.

”Star” gazetı “Dön’yadan Törkiyägä yaqlaw yullamaları” isemle xäbärendä yazğança, Awrupa Berlege, Şveśiya, İtaliya, Misır, Yordaniya, Soğud Ğaräbstanı, Paqıstan häm Kosovo Änkaradağı terror höcümen ğayeplädelär, Törkiyägä teläktäşlek belderdelär. Törkiyädäge çit il wäkilçelekläre dä teläktäşlek yullamaları yasadılar.

”Sabah” gazetı xäbär itkänçä, Ğıyraqnıñ tön’yağına oyıştırılğan hawa xäräkätendä “PKK” terrorçı oyışmasınıñ 20 maqsatı yuqqa çığarıldı. Xäräkätlärdä küp sanda terrorçı täêsirsez xälgä kiterelde.

“Xäbär Türk” gazetı “Ärdoğan yaña Konstituśiyägä basım yasadı” dip yaza. Törkiyä ilbaşı Räcäp Tayyip Ärdoğan Törkiyä Böyek Millät Mäcleseneñ yaña qanun çığaru yılı açılışı utırışında çığış yasadı. Ul yaña Konstituśiyägä basım yasap, ”Bezneñ burıçıbız - yaña häm grajdannar Töp Qanunı. Bez barlıq partiyälärne, xalıq ışanıçlıların, ictimaği qatlawlarnı yaña Töp Qanun çaqırubızğa quşılırğa çaqırabız” dide.

”Xörriyät” gazetı “Törkiyä Şveśiyäne tağın ber tapqır kisätte” dip xäbär itä. Törkiyä ilbaşı urınbasarı Cäwdät Yılmaz “Şveśiya NATOğa kerü mäs’äläsendä Änkaranıñ yaqlawın alu öçen terrorçılıqqa qarşı köräştä qatğıy adımnar yasarğa tiyeş” dide. Bu süzlärdän soñ Şveśiya matbuğatı “Törkiyä Şveśiyäne tağın ber tapqır kisätte” dip yazdı.