Törek matbuğatına küzätü 28.09.2023

“Yänişafak” gazetı yazuınça, Törkiyä ilbaşı Räcäp Tayyip Ärdoğan Azärbaycannıñ “İskä alu köne”ndä barlıq şähitärne iskä aldı. Ärdoğan bolay dide: “Qarabaxnıñ häm yawlaw astındağı Azärbaycan cirläreneñ dastan kebek azatlıq köräşeneñ başlanğıçı bulğan İskä alu könendä barlıq şähitlärebezne häm ğazıylarıbıznı xörmät belän iskä alam. Qarabax – Azärbaycannıqı.”

“Sabah” basması beldergänçä, Törkiyä Neft’läre akŝionerlık cämğıyäteneñ ğomum mödire Mälih Han Bilgin, “Sakarya Gaz” mäydanında sıydırışlılıqnıñ könnän-kön arttırılaçağın belderep: “Törkiyä bügenge köndä “Sakarya Gaz” mäydanınnan könenä yaqınça 4 million kub metr gaz citeşterä. Gaz citeşterü Törkiyäneñ 88 yıllıq tarixında kürelmägän däräcädä üste,” – dide.

“Xäbärtürk” gazetı citkergänçä, ukrainalı cırçı häm cırlar avtorı, şulay uq Yevrovideniye 2004tä berençe bulğan Ruslana, ile häm xalqınıñ törek xalqına räxmätle buluın assızıqlap bolay dide: “Kürsätelgän gumanitar yärdämnär Ukrainada keşelärne qotqara.”

“Star” basması xäbärenä kürä, Kön’yaq Koreyale djaz sänğat’çese Dji Xe Li töreklär häm Kön’yaq Koreya xalıqlarınıñ ber-bersenä oxşawın, şunıñ öçen Törkiyägä ni öçen qardäş il dip äytülären xis itüen citkerde.

“Xörriyät” gazetı yazğança, Mädäniyät häm turizm ministrlığı tarafınnan yasalğan belderügä kürä, Antaliyağa 8 ayda uzğan yılnıñ şul uq ayı belän çağıştırğanda 19,45%lık artış belän barlığı 10 million 835 meñ 204 keşe kilde.