Törek matbuğatına küzätü 19.09.2023

”Xörriyät” gazetı “Carnegie Europe” (Карнеги Европа) ilbaşı Ärdoğannıñ qıyu adımnarı turında yazdı” isemle yazmasında citkergänçä, Bel’giyädäge “Carnegie Europe” (Карнеги Европа) oyışması soñğı çorda dön’ya säyäsätendäge role belän iğ’tibarnı cälep itkän Türkiyä turında analiz yasadı. Oyışma ilbaşı Räcäp Tayyip Ärdoğannıñ adımnarın qıyu dip bäyäläp, Türkiyä tışqı säyäsäte turında “Türkiyä nıq häm bäysez tışqı säyäsat alıp baru telägen iğ’lan itte” dip yazdı.

 “Star” gazetı “Qaldıqsız tormış xäräkäte global’läşä bara: berençe imza ilbaşı Ärdoğannan“ dip yaza. Dön’yanıñ barlıq illäre öçen ürnäk bulğan qaldıqsız yäşäw xäräkäte global’läşügä taba berençe adımın yasadı. Törkiyä ilbaşı Ärdoğan N’yu-Yorkta (Нью-Йорктa) uzuçı Berläşkän Millätlär Oyışmasınıñ 78 nçe  ğomum şurası qısalarında xäläl cefete Äminä Ärdoğan citäklägän Global’ qaldıqsız dön'ya yaxşı niyät bäyannamäsenä qul quydı.

”Xäbärtürk” gazetı “Törkiyä öçen 2 milliard dollar investiśiya planı” isemle xäbärendä yazğança, “AlibabaGroup” xoldingı başlığı Maykl Êvans (Эвaнс) kiläse çorda Törkiyägä 2 milliard dollar külämendä investiśiya salırğa niyätläwen äytte.

”Sabah” gazetı “Könçığış Qara diñgez töbägennän bal êksportı 2 million 100 meñ dollarğa citte” dip xäbär itä. Bıyılnıñ ğıynwarınnan avgustına qadär Könçığış Qara diñgez töbägennän bal êksportı 90%qa arttı häm 2 million 101 meñ dollar täşkil itte.

“Watan” gazetı “Gordion antik şähäre – isemlektä” digän yazmasında Türkiyä mädäniyat häm turizm ministrı Mäxmät Nuri Ärsoynıñ “YUNESKO Bötendönya mirası isemlegenä 20nçe ob’yektıbıznı terkädek. Änkarabıznıñ tiñsez mädäniyat baylıqlarınnan berse bulğan Gordion antik qalası Bötendönya mirası buldı” digän süzlären uquçıları belän urtaqlaşa.