Törek matbuğatına küzätü 15.09.2023
15nçe sentyabr' könne çıqqan qayber törek gazetlarına küzätü
![Törek matbuğatına küzätü 15.09.2023](http://cdn.trt.net.tr/images/xlarge/rectangle/1603/b899/caf2/615a9f0083fbc.jpg?time=1719039377)
“Hürriyet” gazetı Ärdoğannıñ “Qanunsız migraśiyä belän bäyle problemalarnı çişäçäkbez” digän süzlären alğı planğa çığara
Türkiyä ilbaşı Räcäp Tayyip Ärdoğan kiçä başqala Änkarada yasağan belderüendä bolay dide: “İlebez çiklärendäge qurqınıçsızlıqnı häm il êçendäge kontrol’lärne köçäytep qanunsız migraśiyä problemasın çişäçäkbez”.
“Haber Türk” gazetı ministr Fidannıñ Awrupa Berlege komissarı Varxeyi belän söyläşüe turında citkerä
Türkiyä tışqı êşlär ministrı Xakan Fidan Awrupa Berlegeneñ kürşelär häm kiñäyü öçen cawaplı komissarı Varxeyi belän telefon aşa söyläşte. Anda Türkiyä belän Berlek arasındağı mönäsäbätlär xaqında süz bardı.
“Vatan” gazetı Türkiyäneñ terrorçılıqqa qarşı köräşenä urın birä
Êçke êşlär ministrı Ali Yerlikaya kiçä yasağan belderüendä “Axırğı terrorçı täêsirsez xälgä kiterelgänçe tırışıp êşlibez häm alğa taba da tırışaçaqbız. Şähitlärebezneñ qannarı cirdä qalmayaçaq,”-dide.
“Star” gazetı Türkiyädän 160 danä dron satıp alınuın xäbär itä
Tayvan'nıñ ähämiyätle aviaśiya häm texnologiya şirkäte “GEOSAT Aerospace Technology” törek injenerları yasağan keşesez hawa aparatların 160 danä satıp aldı.
“Sabah” gazetı Türkiyäneñ Germaniyägä urman çikläwege êksportı turında yaza
Türkiyädän 2022nçe-2023nçe yılğı êksport çorında Germaniyägä 496 million 653 meñ dollarlıq 85 meñ tonna yarım urman çikläwege satıldı.
Bäyläneşle xäbärlär
![Törek matbuğatına küzätü 13.06.2024](http://cdn.trt.net.tr/images/medium/rectangle/f259/92c5/f37c/5bf7999845b23.jpg?time=1719039377)
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü