Törek matbuğatına küzätü 11.09.2023

“Xäbär Türk” gazetı Ärdoğannıñ G20 sammitınnan soñ yasağan belderülären citkerä.

Törkiyä ilbaşı Räcäp Tayyip Ärdoğan kiçä G20 Liderlar sammitı tögällängännän soñ belderülär yasadı. Ul Rusiyä-Ukraina suğışınıñ betüe kiräklegen assızıqlap, Qara diñgez aşlıq kileşüenä tuqtaldı häm: “Rusiyä aşlıq mäs’äläsendä çitkä tibärelä almıy,”-dide. Şulay uq, Türkiyä ilbaşı sammit qısalarında AQŞ däwlät başlığı Djo Bayden belän oçraşuın iskärtep: “F-16 xärbi oçqıçları mäs’äläsen qaradıq, Şveśiyäne (Швецияне) alğa sörälär, bu noqtada qarar çığaru çiratı - Törkiyä Böyık Millät Mäclesendä” - dip söyläde.

“Sabah” basması Ärdoğannıñ tığız diplomatiyä trafigı xaqında yaza.

İlbaşı Räcäp Tayyip Ärdoğan G20 liderlar sammitı öçen kitkän Hindstan başqalası Yaña Dälhidä bik küp oçraşular ütkärde. Berençe könne ul Yaponiyä, Berläşkän Ğaräp Ämirlekläre, Braziliya, Kön’yaq Koreya häm Germaniya liderları belän küreşep söyläşte. Kiçä isä Soğud Ğaräbstanı täxet prinśı (принцы) Möxämmät bin Sälman, Misır däwlät başlığı Abdulfättax äs-Sisi häm Awrupa Şurası räise Çarl’z Mişel’ belän oçraştı.

“Xörriyät” gazetı Ärdoğan belän Äliyıvnıñ telefon aşa söyläşüen xäbär itä.

İlbaşı Räcäp Tayyip Ärdoğan kiçä Azärbaycan däwlät başlığı İlham Äliyıv belän telefonnan söyläşte. İke lider Azärbaycan belän Ärmänstan mönäsäbätläre häm Qarabax töbägendä soñğı waqıtta bulğan waqıyğalar xaqında fiker alıştı.

“Star” gazetı Törkiyädän Serbiyägä yullama turında citkerä.

Törkiyäneñ Belgradtağı ilçese Xami Aksoy ike il mönäsäbätläreneñ tarixtağı iñ yuğarı noqtağa kilüen äytte. “Möxtäräm ilbaşı Ärdoğannıñ uzğan yıl Serbiyägä säfäre waqıtında imzalağan iñ ähämiyätle kileşü  - tanıqlıq belän säyäxät itü ide. Ul ilebezdä ğamälgä kerde, xäzer Serbiyä yağında da kerüen kötäbez”- dide ul.

“Yäni Şafak” gazetı “Törkiyäneñ täwge xatın-qız höcüm boralağı pilotı Diyarbaqır kügendä oçtı” dip yaza.

Özgä Karabulut kiçä "ATAK" boralağı belän Diyarbaqırda sınaw oçışı başqardı. Annan alda töbäk poliśiya idaräse başlığı Fatix Qaya anı täbrik itte.