Törek matbuğatına küzätü 06.09.2023

“Xörriyät” gazetı “Törkiyäne ênergetika bazasına äwerelderäbez” digän başçalı yazma urnaştıra.

Törkiyä ilbaşı Räcäp Tayyip Ärdoğan yäkşämbe könne Rusiyägä êşlekle säfärennän qaytqan çaqta oçqıçta jurnalistlarğa belderülär yasadı. “Törkiyädä tözeläçäk tabiğıy gaz üzäge belän ênergetika taşu häm bäyä quyu mäs’älälärendä alğarış täêmin iteläçäk. İlebezne ênergetika bazası yasayaçaqbız digän idek, monıñ öçen kiräkle asqorma häm fizik mömkinleklärne buldırabız,”- dide ul.

“Sabah” gazetı Xaqan Fidannıñ Greśiyädäge (Грециядәге) wazıyfadaşı belän oçraşuın citkerä

Törkiyä tışqı êşlär ministrı Xaqan Fidan kiçä Greśiyä (Греция) tışqı êşlär ministrı Yorgos Yerapetritis belän oçraştı. Söyläşüdän soñ Fidan belderülär yasadı häm “Greśiyä belän yaña häm uñay çorğa kerdek” dide.

“Yäni Şafak” gazetı Törkiyä belän Yaponiyäneñ ähämiyätle adımı turında yaza.

Törkiyä säwdä ministrı Ömär Bolat bolay dip belderde: “Törkiyä belän Yaponiyä arasında säwdä häm investiśiyä (инвестиция) mäydannarında xezmättäşlekkä êtärgeç birü öçen monnan alda tözelgän Törkiyä-Yaponiyä säwdä häm investiśiyä (инвестиция) sammitın mömkin bulğança tiz aradaTokioda ütkärü häm älege utırışlarnı daimi xälgä kiterü qararı çığardıq”.

“Watan” gazetı Törkiyäneñ urman çikläwege êksportı turında xäbär itä

Törkiyä 2022nçe-2023nçe yılğı êksport sezonında urman çikläwegennän 1milliard 795 million dollar kerem täêmin itte. Bu çorda çit illärgä 298 meñ 557 tonna çikläwek satıldı.

“Star” gazetı Törkiyäneñ xatın-qızlar voleybol cıyılmasınıñ yaña maqsatlarğa ireşäçäge turında citkerä

Dön’yanıñ berençe nomerlı komandası häm Awrupa çempionı bulğan Törkiyä cıyılması 2024nçe yılğı Parij Olimpiya uyınnarınıñ saylap alu turı öçen 8nçe sentyabr’dä Yaponiyägä kitä. Ul B törkemendä Yaponiyä, Braziliya, Bel’giyä, Bolgariya, Porto-Riko, Argentina häm Peru belän köç sınaşaçaq.