Törek matbuğatına küzätü 4.09.2023

“Xörriyät” gazetı Törkiyä xatın-qızlar voleybol komandasınıñ Awrupadağı ciñüe turında yaza.

Törkiyä cıyılması 2023nçe yılğı CEV Awrupa çempionatı finalında Serbiyäne 3kä 2 ciñep çempion buldı. Şulay itep komanda Awrupanıñ iñ köçlese bularaq isemen tarixqa kertte. Türkyä xatın-qızlar voleybol komandası täwge tapqır bu yarışta berençelekne yawladı.

“Yänişafak” gazetı tışqı êşlär ministrı Xaqan Fidannıñ Kärkük turındağı belderüenä urın birä.

Törkiyä tışqı êşlär ministrı Xaqan Fidan Kärküktäge kiyırenkelek belän bäyle bularaq bolay dide: “Ğıyraqnıñ töp häm nigezen täşkil irüçe xalqı törekmännärneñ yortı (йорты) bulğan Kärküktäge waqıyğalarnı borçılıp häm köyınep küzätäbez. Kärkükneñ tınıçlığı häm totrıqlılığı Ğıyraqnıñ cir bötenlege öçen dä ähämiyätle. Ğıyraq dairäläre şähärdäge PKK barlığın tuqtatırğa tiyeş”.

“Xäbärtürk” gazetı Bayraktarnıñ İzrail belän söyläşüläre turında yaza.

Törkiyä ênergetika häm tabiğıy çığanaqlar ministrı Alparslan Bayraqtar İzrail ênergetika ministrı İsraêl’ Kaś belän telefon aşa söyläşte. Anda tabiğıy gaznı da kertep ênergetika tarmağında ikeyaqlı häm regional’ xezmättäşlek mömkinlekläre qaraldı.

“Star” gazetı “Narat balınnan soñ xäzer başqa umarta tovarlarına da küçtek” dip yaza

Dön’yada narat balı citeşterüneñ 92%ın başqaruçı Törkiyä propolis, umarta serkäse, ana qort söte şikelle tovarlarnı da êksportlayaçaq.

“Sabah” gazetı Törkiyäneñ dön’ya kinemotografiyäse platosına äwerelüe (әвeрeлүe) xaqında xäbär itä.

Törkiyä kinemotografiyäneñ üzenä tartıp toruçı üzäge buldı. İldä “Skyfall”, “Fortuna operaśiyäse (oпeрaциясe)”, “Çarlinıñ färeştäläre” şikelle tanılğan fil’mnar töşerelde. Bu ğına da tügel, uzğan yıl Törkiyädä 18 kinokartina, 30 serialnı da kertep tulayım 233 çit il produkśiyäse (прoдукциясe) töşerelgän.