Төрeк мaтбугaтынa күзәтү - Törek matbuğatına küzätü 31.08.2023

“Sabah” gazetı: “Ärdoğan: “Törkiyäneñ kütärelüe däwam itäçäk”

İlbaşı Räcäp Tayyip Ärdoğan 30nçı avgust Ciñü bäyräme mönäsäbäte belän kiçä qolliyättä oyıştırılğan çarada çığış yasadı. Törkiyäneñ töbäktäge krizislarnıñ çişeleş adresı buluına basım yasawçı Ärdoğan: "Köçen duşları belän urtaqlaşqan Törkiyäneñ kütärelüe däwam itäçäk”, - dip äytte.

“Xäbär Türk” gazetı: “Ärdoğannıñ “KAAN” belän bäyle belderüe”

İlbaşı Ärdoğan kiçä Milli saqlanu universitetı qarşındağı Xärbi akademiya diplomın alu häm Bayraq tapşıru tantanasında yasağan belderüendä: “”KAAN” milli xärbi oçqıçınıñ 2023nçe yıl axırına qadär kükkä kütäreläçägen küräçäkbez”, - dide.

“Star” gazetı: “Törkiyä berençe tapqır çığanaq il bulaçaq”

Törkiyä belän Macarstan (Vengriya) arasında imzalanğan kileşügä kürä, 2024nçe yılda ilenä yaqınça 300 million kub metr törek tabiğıy gazınıñ kiläçägen belderüçe Macarstan (Vengriya) tışqı êşlär häm tışqı säwdä ministrı Peter Siyarto: 'Törkiyä berençe märtäbä barı tik tranzit il genä tügel, ber ük waqıtta çığanaq il bulaçaq”, - dip äytte.

“Watan” gazetı: ““TEKNOFEST” dulqınlanuı Änkarada başlandı”

Dön’yanıñ iñ zur aviaśiya, ğaläm häm texnologiya festivale “TEKNOFEST” Cömhüriyätneñ 100 yıllığında başqala Änkarada kiçä texnologiya häm belem belän qızıqsınuçılarğa işeklären açtı.

“Xörriyät” gazetı: “Xatın-qız voleybolçıları yarımfinalda”

Törkiyä xatın-qızlar voleybol cıyılma komandası çirek finaldä Pol’şanı 3-0 isäbe belän ciñde häm Awrupa voleybol çempionatında yarımfinalgä uzdı.