Törek matbuğatına küzätü 25.08.2023

“Vatan” gazetı Törkiyäneñ tışqı êşlär ministrı Xakan Fidannıñ süzlären uquçıları belän urtaqlaşa: “Terror bälasınnan qotılu öçen başqarılaçaq küp êş bar. Törkiyädä bu mäs’äläne zur ülçämdä xäl ittek. Xäzerge waqıtta Ğıyraq cirlärendä PKK terrorçılıqnı, üzen yäşerä. Bu virusnı inşallah Ğıyraqtan da bergäläşep çistartaçaqbız.”

“Sabah” basması beldergänçä Milli saqlanu ministrlığınnan yasalğan açıqlawda Amerika Quşma Ştatları PKK/YPG terror oyışması belän Süriyäneñ tön’yağında oyıştırğan urtaq xärbi künegülär belän bäyle bularaq bolay diyelde: “Dus häm berlektäş illärdän PKK/YPG terror oyışmasına kürsätelüçe yärdäm häm xuplawnı tuqtatuların häm terrorçılıqqa qarşı köräşebezne êçkersez räweştä xuplawların kötäbez.”

“Hürriyet” gazetı xäbärenä kürä möselman illärneñ ilçelekläre aldında izge kitabıbız Qor’än-i Kärimne yandırular däwam itkännän soñ Daniyaneñ Änkaradağı ilçelek wäkile Törkiyäneñ tışqı êşlär ministrlığına çaqırıldı.

“Star” basması citkergänçä Berläşkän Millätlär Oyışması Kiprda Kön’yaq Kipr Grek citäkçelege buffer töbäktä yasağan xoquq bozularğa reakŝiya kürsätmägändä Tön’yaq Kipr Törek Cömhüriyäteneñ gumanitar proyektı öçen Pile-Yiğitler yulınıñ salınuına ni öçen kirtä quyarğa cıyınuı häm taraflarğa nigä törle möğamälädä buluına qarağan açıqlaw yasamadı.

“Haber Türk” gazetı yazğança Törkiyägä bu yılnıñ 6 ayında 4,8 milliard dollar däräcäsendä xalıqara investiŝiya kertelde. Kiläse 6 ayda da kim digändä 7,1 milliard dollarlık östämä investiŝiya kapitalınıñ kerteläçäge farazlana.