Төрeк мaтбугaтынa күзәтү - Törek matbuğatına küzätü 24.08.2023

“Yäni (Йәни) Şafak” gazetı: “Ärdoğan: “Qırımnıñ anneksiyäse legal’ tügel”

İlbaşı Räcäp Tayyip Ärdoğan 3nçe Qırım platforması liderlar sammitına video yullama cibärde. Ärdoğan video yullamasında Qırımnıñ (Rusiyä tarafınnan) anneksiyäläwen tanımawçı (aннeксияләвeн тaнымaучы) Törkiyäneñ bu adımnıñ legal bulmawın berençe könnän birle yaqlawın belderep: ‘Ukrainanıñ cir bötenlegen häm suverenlığın yaqlawçı totışıbıznı da saqlıybız”, - dip äytte.

“Star” gazetı: “Kurtulmuş: “Törkiyä härwaqıt Kipr törekläre belän bergä”

Törkiyä Böyık Millät Mäclese Başlığı Numan Kurtulmuş: “Törkiyä Tön’yaq Kipr Törek Cömhüriyäteneñ tanıluı häm suverenlıq xoquqları mäs’äläsendä härwaqıt Kipr törekläre belän bergä bulaçaq,” – dip äytte. Kurtulmuş xalıqara mäydanda Tön’yaq Kipr Törek Cömhüriyäteneñ tanıluı belän bäyle tığız êşçänlekne däwam (дәвам) itteräçäklären belderde.

“Sabah” gazetı: “Amerikalı belgeçtän gäcäyıp bilgeläw: Törkiyä – ğalämneñ märkäzendä”

Amerika Quşma Ştatlarında möhim töşençä oyışmalarınnan “Heritage Foundation” (хэритэдж фаундэйшн) belgeçe Jayms Karafano zur köç köndäşlegeneñ töp frontları wazğıyätendäge Könbatış Awrupa, Tön’yaq Afrika, Urta diñgez, Yaqın Könçığış, Urta Aziya häm Hind Tın okeanı töbäklärendä tınıçlıq häm totrıqlılıq öçen Törkiyäneñ nigez taşı buluın belderep: “Törkiyä – ğalämneñ üzägendä”, - dip äytte.

“Watan” gazetı: “İstanbulda ofis rekordı quyıldı”

İstanbulnıñ ofis bazarındağı tulılıq küläme 84.9%qa kütärelde häm soñğı 10 yılnıñ rekord däräcäsenä citte. Ağımdağı yıl êçendä İstanbul Xalıqara finans üzägeneñ açılmağan êtaplarınıñ tamamlanıp, yaqınça 1 million yarım kvadrat metr soraw-taläpneñ isä bazarğa quşılaçağı küz aldında totıla.

“Xörriyät” gazetı: “Törek turizm tarmağındağı üseş dönyanı uzıp kitäçäk”

Törkiyä turizmda isäple illär arasında urın aluın däwam (дәвам) itäçäk. Törkiyä qunaqxanälär berlege başlığı Mübärra Äräsin: ‘Törkiyäneñ qunaqxanä tarmağı belän bergä xezmät tarmağındağı sıyfatın böten dönya belä. Törlelek cähätennän dä bez möhim urında”, - dip äytte.