Törek matbuğatına küzätü 23.08.2023

“Xörriyät” gazetı yazğança, Törkiyä ilbaşı Räcäp Tayyip Ärdoğan makroiqtisadnı il üseşe maqsatına zıyan kitermiçä nığıtaçaq programmalarnı ğamälgä aşıruların belderde. Ärdoğan bolay dide: “Işanıç atmosferası yärdämendä xalıqara finans oyışmaları bezneñ ilgä 10 milliard resur kertä başladı.”

“Sabah” basması beldergänçä, Törkiyä ilbaşı Räcäp Tayyip Ärdoğan çit illärdä törek podryadçikları tarafınnan tormışqa aşırılğan proyıktlarnı kürgän sayın ğororlanuların äytte. Ärdoğan tübändägeçä däwam (дәвам) itte: “Törkiyä soñğı yıllarda yasağan asqorıma adımı podryadçiklarıbıznı global’ ülçämdä alğı planğa çığardı.”

“Xäbär Türk” gazetı xäbärenä kürä, Törkiyäneñ tışqı êşlär ministrı Xaqan Fidan Berläşkän Millätlär Oyışmasına bäyle Tınıçlıq köçeneñ Tön’yaq Kipr Törek Cömhüriyäte cirlärendä gumanitar ixtıyaclarnı qanäğat’länderäçäk Pilä-Yiğitlär yulınıñ salınuına qatışuına reakŝiya (реакция) belderep bolay dide: “Berläşkän Millätlär Oyışmasınıñ tarafsız bulmawın bu waqıyğada küräbez. Tön’yaq Kipr Törek Cömhüriyäteneñ xaqlı poziŝiyasen (позициясен) azağına qadär xuplıybız.”

“Star” basması citkergänçä, Törkiyä Soğud Ğaräbstanı, Berläşkän Ğaräp Ämirlekläre häm İzrail belän üstergän diplomatik mönäsäbätlärgä iğ'tibarnı yünältkän Amerika matbuğatı bolay dip yazdı: “Amerika Quşma Ştatları töbäktäge säyäsi häm xärbi köçen däwam (дәвам) itterergä teli ikän, Törkiyäneñ bu üseşennän faydalanırğa tiyış häm Törkiyä belän tağın da yaqın mönäsäbätlär qoruı zarur.”

“Yäni Şafak” gazetı yazğança, Bolgariyaneñ tışqı êşlär ministrı Gabriel’ Törkiyäneñ Awrupa Berlegenä äğza bulu barışına tuqtalıp: “Bolgariya da äğza bularaq Änkara citäkçelegeneñ berlekkä kerü iniŝiativasın xuplıy,” – dide.