Törek matbuğatına küzätü 17.09.2024
17nçe sentyabr' könne çıqqan qayber törek gazetlarına küzätü
“Habertürk” gazetı Ärdoğannıñ “Boykot” cırın urtaqlaşuı turında yaza.
Törkiyä ilbaşı Räcäp Tayyip Ärdoğan yasalma aqıl icat itkän “Boykot” cırın urtaqlaşıp Fälästingä teläktäşlek kürsätte. Ul sośial’ media akkauntında: “Alarnıñ asıl häm namuslı köräşlärenä härwaqıt yärdäm itäçäkbez”,- dip tä yazdı
“Vatan” gazetı “Törkiyä qorallı keşesez hawa apparatları bazarında lider buldı” dip yaza
Axırğı yıllarda dön’yadağı armiyälärneñ “TB2”, “Akıncı”, “ANKA” şikelle törek dronnarı belän qızıqsınuı arttı. “Yaña Amerika qurqınıçsızlığı üzäge” dip ataluçı oyışma ütkärgän tikşerenü Törkiyäneñ 2021nçe yıldan birle qorallı keşesez hawa apparatlı tarmağında aldınğı il buluın açıqladı.
“Star” basması “Starlink”ka köndäş äzerlänüe xaqında citkerä.
“Baykar” idaräçese Sälçuk Bayraktar “milli GPS” öçen İlon Masknıñ “Starlink” proyektındağı şikelle tübän orbitağa yasalma iyärçen törkeme cibäräçäklären belderde. Ul monıñ öçen bar närsäneñ äzer buluın äytä.
“Hürriyet” gazetı “PTT dön’yadağı 210nan artıq noqtağa cibärä” dip yaza.
Törkiyä transport häm asqorma ministrı Abdulqadıyr Uraloğlu “Poçta häm Telegraf berläşmäse”neñ xalıqara poçta häm yök taşudağı uñışları xaqında citkerde.
“Yenişafak” gazetı Törkiyäneñ iñ zur külendäge iñ zur açış turında xäbär itä
Van külendä monnan alda 18 metr ozınlıqta mikrobialit tabılğan ide. Älege möstäqıyl’ êkosistemanı märcännärneñ yaña töre dip tä atıylar. Dayverlar xäzer yaña açış - 34 metr 60 santimetr zurlığındağısı tabıluı turında belderde.
