Törek matbuğatına küzätü 16.08.2023

“Xörriyät” gazetı Germaniyä matbuğatında Türkiyä (Төркия) xaqında qızıqlı analitik mäqalä çığuın citkerä.

Dön’yanıñ bik küp ilenä êksportlanuçı, suğışta häm tınıçlıqta wazıyfa başqara aluçı törek dronnarı bu yulı nemeś (немец) matbuğatınıñ kön üzägendä. “Frankfurter Allgemeine” gazetı Türkiyäneñ (Төркиянeң) qoral industriyäsen analizladı. “Törek xärbi sänäğate härwaqıttağıdan tağın da uñışlı” dip yazdı ul.

“Sabah” gazetı “Moody's" törek banklarınıñ küreneşen kütärde”, - dip yaza.

Xalıqara kredit reytingı oyışması “Moody' s” törek bankları xaqındağı farazlarnı tiskäredän totrıqlıqqa üzgärtte.

“Xäbär Türk” gazetı Muğlağa Pol’şadan kilüçe turistlarnıñ kübäyüen citkerä.

Türkiyäneñ (Төркиянeң) iñ ähämiyätle kurortlarına iyä Muğla töbägenä 7 ayda kilgän 1 million 779 meñ 356 turistnıñ 120 meñ 328e Pol’şadan.

“Yäni Şafak” gazetı “Sümela monastırenda 10nçı ğıybadät qılındı”, - dip xäbär itä.

Trabzonnıñ Maçka rayonında (рaйонындa) urnaşqan danlıqlı Sümela monastırenda grek patriarxı Varfolomey citäkçelegendä 10nçı ğıybadät uzdı. Din ähele wäğaze waqıtında 2010nçı yıldan birle biredä üzlärenä doğa qılırğa röxsät itkän ilbaşı Räcäp Tayyip Ärdoğan häm däwlät idaräçelärenä räxmät äytte.   

“Star” gazetı kiçä UEFA çempionnar ligasında "Galatasaray"nıñ ciñüe turında yaza.

UEFA çempionnar ligasınıñ 3nçe saylap alu turındağı matçında Türkiyäneñ “Galatasaray” futbol komandası  Sloveniyäneñ “Olimpiya Lyublyana”sın qabul itte. Törek klubı köndäşen Mauro İkardi kertkän tup belän 1gä 0 ciñde häm pley-off turına çıqtı.