Törek matbuğatına küzätü 11.08.2023
Qayber törek basmalarına küzätü
![Törek matbuğatına küzätü 11.08.2023](http://cdn.trt.net.tr/images/xlarge/rectangle/077a/f149/d9c8/622b088da4d8d.jpg?time=1718993024)
“Sabah” gazetı yazğança, Törkiyä ilbaşı Räcäp Tayyip Ärdoğan şähär tözeleşe proyektları belän bäyle bularaq bolay dide: “Türkiyädä 6 million yarım toraqnı tiz räweştä tözüne maqsat itäbez. Bolar tämamlanğaç şähärlärebez maturlanaçaq häm cir teträwlärgä çıdam bulaçaqlar.”
“Xäbärtürk” basması beldergänçä, Ukrainanıñ tışqı êşlär ministrı Dmitro Kuleba Törkiyä ilbaşı Räcäp Tayyip Ärdoğannıñ Qara diñgez aşlıq koridorı kileşüeneñ qabat başlanuın täêmin itä alaçağın belderde.
“Star” gazetı citkergänçä, Norvegiya matbuğatı Aşlıq koridorınıñ qabat ğamälgä kerüe öçen Törkiyä ilbaşı Räcäp Tayyip Ärdoğannıñ uñışlı role häm diplomatiyasenä iğtibarnı cälep itüçe ber mäqalägä urın birde. Aşlıq koridorı öçen Ärdoğannıñ töbäktä berdänber êffektiv lider buluın yazğan Norvegiya matbuğatı mäqaläsendä mondıy yullar bar: “Härkem Ärdoğannıñ işegen qağa. Xalıqara säyäsätneñ üzägenä utırdı häm härkem belän söyläşä aluçı berdänber keşe buldı. Ärdoğan xalıqara säyäsättä zur köçkä iyä.”
“Xörriyät” basması xäbärenä kürä, Milli saqlanu ministrlığı terrorçılıqqa qarşı köräştä täwäkkällek yullaması yasadı häm “Terrorçılar üzlären kötüçe axırdan qaça almayaçaq, alar şähitlärebez öçen cawap biräçäk, terrorçılıqqa qarşı köräş soñğı terrorçı betkängä qadär şul uq täwäkkällek belän däwam itäçäk,” – dide.
“Yäni Şafak” gazetı yazğança, Qazna häm finans ministrı Mäxmät Şimşäk xalıqara kredit bäyäläw oyışması “Moody’s”nıñ Türkiyä xaqındağı analizın bäyäläp bolay dide: “Xalıqara normalarğa yaraqlı säyäsätlärne başqaruda täwäkkäl bez. Monıñ kredit bilgebezgä çağılmayaçağına ışanabız.”
Bäyläneşle xäbärlär
![Törek matbuğatına küzätü 13.06.2024](http://cdn.trt.net.tr/images/medium/rectangle/f259/92c5/f37c/5bf7999845b23.jpg?time=1718993024)
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü