Törek matbuğatına küzätü 28.07.2023

“Yäni Şafak” gazetı “Foreign Policy”nıñ Türkiyä ilbaşı Ärdoğanğa bağışlanğan mäqaläse turında yaza.”Foreign Policy” soñğı däwerdä (дәвeрдә) dönya säyäsätendäge role belän iğ’tibarnı cälep itkän Türkiyägä qağılşlı analiz bastırdı. Türkiyä (Төркия) häm İlbaşı Ärdoğannıñ yasağan adımnarına bağışlanğan mäqalädä “Türkiyä Ärdoğan çorında öç töp tışqı säyäsät ideyäsen êzlekle tottı: strategik bäysezlek, köç häm iminlek.

”Xäbär Türk” gazetı “Milli saqlanu ministrlığında matbuğatqa mäğ’lümat birü cıyılışı uzuın xäbär itä. Türkiyä milli saqlanu ministrlığı kiçä matbuğatqa mäğ’lümat citkerü cıyılışı ütkärde. Cıyılışta 8 yılda 28 meñ 235 terrorçınıñ täêsirsez xälgä kiterelüe citkerelde.

”Sabah” gazetı “İzrailgä Äl-Äq’sa reakśiyäse” isemle yazmasında citkergänçä, Türkiyä kiçä İzrailneñ çiktän tış uñçı milli qurqınıçsızlıq ministrı İtamar Ben-Gvirnıñ Könçığış Qodüstäge “Äl- Äqsa” mäçetenä oyıştırğan basqınnı provokaśion dip bäyäläde häm kisken räweştä ğayepläde.

“Star” gazetı ministr Şimşäkneñ süzläre belän “Türkiyäne iğ’tibarsız qaldıra almıysız” dip yaza. Türkiyä qazna häm finans ministrı Mäxmät Şimşäk Awrupa Berlegen Tamğaxanä berlege kileşüen yañartırğa öndäde. Ul Türkiyäneñ Awrupa Berlegenä äğ’za bulu barışınıñ 1963 nçe yıldan birle däwam itüen iskä töşerep, “Ägär Awrupa tağın da urınlı poziśiyädä bulırğa teläsä, awrupalı liderlar äytkänçä, global’ mäs’älälärdä tağın da yaxşıraq aktyer bulırğa teläsä, Türkiyä zurlığındağı ilne iğ’tibarsız qaldıra almıysız” dip äytte.

“Xörriyät” gazetı “KAAN öçen Azärbaycan belän xezmättäşlek” isemle xäbärendä yazğança, Türkiyä aviaśiya (Төркия авиация) ğaläm sänäğate akśionerlıq şirkäte “KAAN” milli xärbi oçqıçın kamilläşterü häm urtaq citeşterü öçen Azärbaycan saqlanu ministrlığı belän xezmättäşlek protokolı imzaladı.